لطلاب ثانوية عامة.. إزاى تحل نماذج البوكليت ؟

عن طريق ايجي نار
0 تعليق

لطلاب ثانوية عامة.. إزاى تحل نماذج البوكليت ؟ 25181

إزاى تحل نماذج البوكليت ؟
سؤال بيحير كتير مننا بس بعد المقال داا مش هتحتار إن شاء الله ..

مبدائياً كدا عشان نبقى متفقين لازم تحل إمتحانات أيوا لازم تحل امتحانات لانها بتجمع المنهج كله .

طيب تحل إزاى بقى :؟؟؟

1_مهم جداا إنك تمتحن إمتحان بنفس ميعاد اللجنه وممكن تخلى حد يعمل دوشه حواليك وأنت بتحل بحيث تعود نفسك ع الل ممكن يحصل ف لجنتك بس انت تكون مركز فى ورقتك وملكش دعوه خالص بالل بيحصل حواليك
2_ يفضل إنه يكون الإمتحان اللى هتمتحنه ده ميكنش إمتحان من إمتحانات السنين اللى فاتت لإنك بالتأكيد حليت أفكارهم من غير ما تحس اه والله وأنت بتحل بعد كل درس، خلى الإمتحان من البوكليتات اللى الوزاره لسه منزلاه السنه دي وتخلى حد من المدرسين يعلمه عشان تشوف إجابتك نموذجيه أو البوكليت يكون معاه إجابه نموذجيه ….
3_ إحسب الوقت اللى هتاخده فى حل كل سؤال وإي أكتر سؤال خد منك وقت كبير ومحتاج تدرب عليه عشان مياخدش منك وقت كبير بعد كدا …..

4_ أكيد هيقابلك سؤال مش عارفه وبكدا تشوف هتعمل إيه يتري هتتوتر ولا هتتصرف إزاى ؟  لما يقابلك فى الإمتحان هاااه فكر هتعمل إيه !؟

طبعا طبيعى لكن هتكلم نفسك وتهديها خالص وتقولها التوتر ده مش هجيب نتيجه
“التوتر عامل زى الكرس الهزاز بيحركك لكن مش هينقلك لاى مكان “

5_ طيب أنت هتحل إمتحانات السنين اللى فاتت عادى مش بنظام وقت ف هتقول الإجابه شفوى ومش شرط تكتبها مثلا عشان الوقت بس لازم على الأقل تقولها مره ،طيب لو السؤال إتكرر خلاص متقولهوش تانى طالما جاوبته أول مره صح لو تقدر وعندك وقت تكتبها أكيد أفضل عشان تثبتها…..

6_ يكون معاك ماركر عشان تعلم على الأسئله اللى فيها فكره أو اللى معرفتهاش بحيث تراجع عليهم ليله الإمتحان ويكونوا واضحين بالنسبه لك ..

7_ طبيعى جداً إنك تلاقى نفسك لحد ليله الإمتحان بتغلط عادى جداً متقلقش المهم تتعلم من غلطاتك..

8_ وأنت بتحل حاول تعسر دماغك عشان تجيب المعلومة وإبعد كتاب الشرح عنك خالص وأنت بتحل متقلقش المعلومة موجوده بس مش هتطلع إلالما يجى دورها

9_ تحل كام امتحان! ديه مش متحدده المهم إمتحانات اللى الوزاره نزلتها السنه دي وكتاب دليل التقويم وكتاب الامتحان بوكليت
10_ لازم تقول الإجابه قدام مدرس عشان تعرف إيه الإجابه النموذجيه عشان كدا موضوع إنك تقعد من الدرس ده غلط بالإضافة إنه ليه فوائد تانيه كتير هى إنك هتسمع الإجابه من زميلك وبالتالي بتستخدم حاسه السمع فى تثبيت المعلومة لأنك لما بتدخلها بأكثر من مدخل وأكتر من وسيله هتثبت أفضل وأسرع وتسمع الأفكار الجديده اللى المدرس بيضيفها وتغير فكرك بأسئله أصحابك

عذراً على الإطاله
بالتوفيق
هاااانت جدااااا

الثانوية العامة المصرية

Comments

0 comments

مقالات متعلقه

اترك تعليقا